泰國

1. 曼谷多唔多外國人置業? 

早期唔少歐美人，俄羅斯人揀泰國退休；好多日本企業喺當地設廠，亦吸引好多日本人定居。近年中國資金亦大舉進入泰國，香港人現時到當地買樓，算係比較遲既一批。

2. 曼谷樓價係咪準備起飛?

香港人近年已俾自己城市既驚人升幅嚇怕，擔心遲咗連泰國樓都買唔起。相比之下，泰國人無咁熱心炒樓，除咗曼谷最繁榮地段俾外資買貴外，平均樓價以每年10-15%穩定增長，但租金回報有5-8%，比起香港宜家入市既少過3%回報吸引得多。但買泰國樓要放棄一年升一倍既預期。

3. 外國人可以合法擁有泰國物業?

完全合法，但必須依照泰國人：外國人，51：49的比例上限。舉例，一棟公寓大樓相同面積單位有100間，外國人最多買49間，其他必須保留俾泰國人。至於土地同獨棟別墅呢？由於以上兩者都屬於單一獨立物業，無法切開51：49比例，所以外國人無辦法單獨持有，必須以公司名義持有；但泰國公司法規定，股東結構依然必須遵照泰國人：外國人， 51：49為上限。

4. 外國人買泰國樓可唔可以做按揭?

目前有大華UOB，工商銀行泰國及中國銀行泰國分行，可以俾外國人喺泰國買樓做按揭。雖則無硬性要求業主要有泰國工作或居留證，但因為泰國政府怕外國人嚟炒貴晒啲樓，所以樓按門檻好高好緊，條件嚴苛，申請好困難，想成功審批，都係必須要有泰國工作證或居留證。利率係6厘以上，最多按五成分10年還款。

5. 泰國物業有冇樓契地契?

樓契地契都有，但地契每個項目只有「一份」，100個業主都係得「一份」。舉例，一塊地起咗一棟100個單位既大樓，塊地都係屬於一個單位，所以地契得一張，由公寓管委會保管。而小業主買樓後拎到既樓契係一張謄本，内容會詳細記載你喺個項目入面既持分比例，地契唔會過你手。

6. 買泰買樓過程係點架?

A. 睇樓
B. 決定咗買就俾訂金同簽約
C. 匯款到業主/發展商當地銀行戶口
D. 到當地銀行開匯款證明及支票
E. 帶埋護照、銀行匯款證明、支票到當地土地廳過戶

7. 點匯款到泰國?

首先去泰國既跟行開戶口，買樓款項一定要匯到業主泰國本地銀行戶口。款項入脹後，對當地銀行開匯款證明，並於過戶前一日去銀行開買樓支票。

8. 泰國樓一、二手交易要俾乜稅?

泰國物業一手買賣時要交2%過戶費，通常買賣雙方各俾一半、水電錶安裝費、印花稅。二手樓交易時，一般有2%過戶費， 3.3%特種商業稅、0.5%印花稅同利得稅，總費用約為6%，通常買賣雙方各俾一半。

9. 買泰國樓每年仲要交稅嗎?

唔洗。

10. 買泰國樓俾幾多管理費?

泰國分層單位物業管理費通常每個月收5至12港紙一平方米，多數已包埋停車場、健身室、泳池等公共設施的使用費。

11. 買泰國樓點買傢俬?

只要提供平面圖俾傢俬公司，幫襯佢哋就會度呎同免費設計，泰國知名傢俬商包括：SB家具、IKEA泰國，Modernform等品牌，都會提供一條龍服務。

12. 非親屬可唔以轉讓或送贈物業

唔可以。

13. 買泰國樓可唔可以入籍?

目前泰國政策，買樓同移民冇掛鉤，不過都有泰國發展商為咗促銷，會幫買家買由泰國政府發售嘅精英俱樂部會員簽證，5年約12萬港幣，20年約47萬港幣。